WORLD BRIDGE LOGISTIC
Манай компани 2013 оноос тээвэр логистикийн салбарт амжилттай үйл ажиллагаа явуулж, олон улсын болон дотоодын тээврийн иж бүрэн үйлчилгээ үзүүлж харилцагчдынхаа найдвартай түншээр хамтран ажиллаж ирсэн.
Авто баазаа өргөжүүлэн, техник тоног төхөөрөмжөө шинэчилсний үндсэн дээр “Ворлд Бридж Тракинг” ХХК нэртэй салбар компаниа 2022 онд байгуулж, үйл ажиллагаагаа өргөжүүлэн тэлсэн.
Мөн АНУ, БНХАУ, Япон зэрэг орнуудад өөрсдийн төлөөлөгч компаниудыг байгуулан, үйлчлүүлэгч нартаа хурдан шуурхай, найдвартай, мэргэжлийн үйлчилгээг хүргэсээр байгаа бөгөөд Европын холбооны орон тэр дундаа Герман улсаас өөрсдийн найдвартай агенттай хамтран тээвэрлэлтийг амжилттай зохион байгуулсаар байна.
Бидний үйлчилгээ
Далайн тээвэр гэж далай, тэнгис, олон улсын усан замаар усан онгоц болон хөвөгч хэрэгслээр зорчигч, ачаа, шуудан зэргийг нэг газраас нөгөө газарт тээвэрлэх үйл ажиллагааг хэлнэ.
Агаарын тээвэр гэж нисэх онгоц, нисдэг тэрэг зэрэг агаарын хөлгөөр зорчигч, ачаа, шуудан зэргийг нэг газраас нөгөө газарт агаараар дамжуулан тээвэрлэх үйл ажиллагааг хэлнэ.
Олон улсын авто тээвэр гэж улсын хил дамнан, авто тээврийн хэрэгслээр зорчигч, ачаа, шуудан зэргийг нэг улсаас нөгөө улсад тээвэрлэх үйл ажиллагааг хэлнэ.
Төмөр замын тээвэр гэж төмөр замын сүлжээг ашиглан, галт тэрэг болон төмөр замын хөдлөх бүрэлдэхүүнээр зорчигч, ачаа, шуудан зэргийг нэг газраас нөгөө газарт тээвэрлэх үйл ажиллагааг хэлнэ.
Цуглуулбар ачааны тээвэр гэж хэд хэдэн илгээгчийн бага хэмжээний ачааг нэг тээврийн хэрэгсэлд нэгтгэн, нэг чиглэлд хамтад нь тээвэрлэх ачаа тээврийн хэлбэрийг хэлнэ.
Тусгай нөхцөлт ачааны тээвэр гэж тээвэрлэлтийн явцад онцгой шаардлага, тусгай горим (температурын хяналт, аюулгүй ажиллагаа, хамгаалалт, зөвшөөрөл, тусгай сав баглаа боодол гэх мэт) шаардагдах ачааг тусгайлан зохион байгуулж тээвэрлэх үйл ажиллагааг хэлнэ.
Хүнд даацийн техник, тоног төхөөрөмжийн тээвэр гэж стандарт хэмжээнээс хэт жинтэй, хэт овортой машин механизм, үйлдвэрлэлийн тоног төхөөрөмжийг тусгай тээврийн хэрэгсэл, тоноглол, маршрутын зөвшөөрөл ашиглан аюулгүйгээр тээвэрлэх үйл ажиллагааг хэлнэ.
Гаалийн бүрэн зуучлал гэж гаалийн бүрдүүлэлттэй холбоотой бүх үйл ажиллагааг (гаалийн мэдүүлэг гаргах, бичиг баримт бүрдүүлэх, татвар хураамж тооцоолох, гаалийн хяналт шалгалтад төлөөлөх, зөвшөөрөл авах гэх мэт) харилцагчийн нэрийн өмнөөс бүрэн хариуцан гүйцэтгэх мэргэжлийн үйлчилгээ юм.
Нэмэлт үйлчилгээ
Гаалийн мэдүүлэг шивэлт үйлчилгээ
Орон нутаг болон хот доторх авто тээврийн хүргэлт, краны үйлчилгээ
Хаалганаас хаалган дах үйлчилгээ
Ачаа тээврийн даатгалын үйлчилгээ
Тээврийн талаар мэргэжлийн зөвлөмж зөвлөгөө
Чингэлэг түрээс худалдаа
